2025 წლის 20 ივნისს გელათის რეაბილიტაციის დროებითმა კომიტეტმა საერთაშორისო კონფერენციაზე საქმიანობის ორწლიანი ანგარიში წარადგინა. კონფერენცია "თბილისი მარიოტში" გაიმართა. დროებითი კომიტეტის წევრებმა მიმდინარე სამუშაოების შესახებ ისაუბრეს და მოწვეულ სტუმრებს სამომავლო გეგმები წარუდგინეს. 

კონფერენცია გახსნეს და დამსწრეებს სიტყვით მიმართეს საპატრიარქო ტახტის მოსაყდრემ, სენაკისა და ჩხოროწყუს მიტროპოლიტმა, გელათის რეაბილიტაციის დროებითი კომიტეტის თავმჯდომარემ, მეუფე შიომ (მუჯირი), საქართველოს კულტურის მინისტრმა თინათინ რუხაძემ, საქართველოს მეცნიერებათა ეროვნული აკადემიის აკადემიკოსმა, ეროვნული სამეცნიერო საბჭოს მდივანმა დავით ლორთქიფანიძემ, საერთაშორისო მრჩეველთა საბჭოს მდივანმა გერჰარდ ვოლფმა და კომიტეტის ეროვნული სამეცნიერო და საერთაშორისო მრჩეველთა საბჭოს სხვა წარმომადგენლებმა.

საერთაშორისო კონფერენცია "საზოგადოება ივერიისა" მხარდაჭერით გაიმართა.