დღეს მახათას მთაზე ივერიის ყოვლაწმინდა ღვთისმშობლის ხატის სახელობის ტაძარში , ღვთისმშობლის წილხვდომილობისა და ანდრია პირველწოდებულის ხსენების დღეს საზეიმო წირვა აღევლინა. წირვა აღავლინა საპატრიარქო ტახტის მოსაყდრემ, სენაკისა და ჩხოროწყუს მიტროპოლიტმა შიომ.

საზეიმო წირვას საქართველოს პრემიერ-მინისტრი ირაკლი კობახიძე პრეზიდენტ მიხეილ ყაველაშვილთან , ქალაქ თბილისის მერთან კახი კალაძესთან, აღმასრულებელ და საკანონმდებლო ხელისუფლების წევრებთან ერთად დაესწრო.

ტაძარში მოსულ მრევლს საშუალება ჰქონდა მოელოცა მამა გაბრიელის წმინდა ნაწილები, რომელიც ტაძარში ერთი დღით დააბრძანეს.

წმინდა მამა გაბრიელის სანაწილე ხატი “საზოგადოება ივერიისას” ინიციატივით დაამზადა დავით კაკაბაძემ. საქართველოს კათოლიკოს პატრიარქის ილია მეორეს ლოცვა კურთხევით “ღვთისმშობლის წილხვედრი საქართველოს “ ხატი და მამა გაბრიელის წმინდა ნაწილები 2024 წელს ქართველი ემიგრანტების სანუგეშებლად და მოსალოცად რომში, ფლორენციასა და ბარიში გაიგზავნა.

დღეს ტაძარში მოსულ მრევლს საჩუქრად გადაეცა ღვთისმშობლის წილხვედრი საქართველოს ხატი.

იხილეთ ბმული