"ღვთისმშობლის  წილხვედრი საქართველოს ხატი"-ს ასლი მახათას მთაზე ივერიის ყოვლადწმინდა ღვთისმშობლის ხატის სახელობის ტაძარშია დაბრძანებული. 

ღვთისმშობლისადმი საქართველოს წილხვდომილობისა და საქართველოს კათოლიკოს-პატრიარქის ილია მეორის აღსაყდრებიდან 45 და დაბადებიდან 90 წლისათავის საიუბილეო თარიღების აღსანიშნავად, ხატის მოზგაურობა საქართველოს ეპარქიებში დასრულდა და 19 ნოემბერს სიწმინდე მახათას მთაზე ღვთისმშობლის ტაძარში დააბრძანეს. 

ამ დღესთან დაკავშირებით ტაძარში საზეიმო წირვა აღავლინა მაღალყოვლადუსამღვდელოესმა ჭიათურისა და საჩხერის მიტროპოლიტმა დანიელმა. თანამსახურებდნენ  მაღალყოვლადუსამღვდელოესი ახალქალაქის, კუმურდოსა და კარის  მიტროპოლიტი ნიკოლოზი და ყოვლადუსამღვდელოესი  თიანეთისა და ფშავ-ხევსურეთის მიტროპოლიტი მიქაელი სამღვდელოებასთან ერთად. 

მომლოცველებს შეუძლიათ ხატის მოლოცვა ივერიის ყოვლადწმინდა ღვთისმშობლის ხატის სახელობის ტაძარში. 

იხილეთ ბმული