სრულიად საქართველოს კათოლიკოს პატრიაქრის ილია II ის ლოცვა-კურთხევით, მახათას მთაზე დაიწყო ღვთისმშობლის სავანის კომპლექსის მშენებლობის მეორე ეტაპი, რაც ითვალისწინებს მონასტრისა და ივერიის ყოვლადწმინდა ღვთისმშობლის ხატის სახელობის ტაძრის მიმდებარე ტერიტორიაზე თანამედროვე და უმაღლესი საერთაშორისო სტანდარტების შესაბამისი, სამეცნიერო-კვლევითი და კულტურულ-საგანმანათლებლო ცენტრ-მუზეუმის მშენებლობას, რომელსაც 2019 წლის 8 მაისს საქართველოს მთავრობის, საქართველოს სამოციქულო ავტოკეფალური მართლმადიდებელი ეკლესიისა და „საზოგადოება ივერიისა“-ს მიერ ხელმოწერილი ურთიერთთანამშრომლობის მემორანდუმის შესაბამისად, საქართველოს სახელმწიფო, ეკლესია და საზოგადოება ერთობლივად განახორციელებს. 

გლობალური პანდემიით შექმნილი პრობლემების მიუხედავად,  მახათას მთაზე მშენებარე ღვთისმშობლის სავანის კომპლექსში სამუშაოები არ შეჩერებულა. სრულიად საქართველოს კათოლიკოს-პატრიარქის ილია მეორის ლოცვა-კურთხევით დაიწყო მუშაობა მღვდელთმსახურთა სახლის პროექტზე; მიმდინარეობს ტაძრის  შიდა და გარე პერიმეტრის კეთილმოწყობა;  ტაძრამდე მისასვლელი გზის მშენებლობა; ტაძრის მიმდებარე ტერიტორიაზე  მოეწყო დრენაჟის ქსელი და  სანიაღვრე კოლექტორი. დაიწყო მუშაობა ღვთისმშობლის ტაძრის  შიდა ხის კარებზე; ტაძრის შიგნით  დამონტაჟდა  სავენტილაციო სისტემა.   

იგეგმება -  ტაძრის ტერიტორიის ნაწილის სპეციალური ღობეებით მოწყობა; გრანიტის ფილების დაგება;  ტაძრის გარე კედლების მხატვრული განათება. 

საქართველოს კათოლიკოს-პატრიარქის ილია II-ის ლოცვა-კურთხევით, მახათას მთაზე, 2002 წლიდან, მიმდინარეობს ღვთისმშობლის სავანის კომპლექსის მშენებლობა. ღვთისმშობლის სავანის კომპლექსის ფარგლებში გათვალისწინებული ტაძრისა და სამონასტრო კომპლექსის მშენებლობასთან ერთად, ათონის მთაზე ქართველთა მონასტრის, ივერონის ანალოგიით, აქ განსაზღვრულია ასევე საგანმანათლებლო ცენტრის მშენებლობაც. 

2010 წლიდან დღემდე მახათას მთაზე ღვთისმშობლის სავანის პროექტისთვის შემოწირულობა გაიღო 76,000 ადამიანმა. მათ მიერ მოხსენიებული ცოცხალი და გარდაცვლილი ადამიანების საერთო რაოდენობა კი  1,122 000-ია. თითოეული მათგანი,  პატრიარქის  კურთხევით, ტაძრის აღმშენებლად-ქტიტორად მოიხსენიება. ინფორმაცია აღმშენებლების შესახებ განთავსებულია „საზოგადოება ივერიისა“-ს ვებ გვერდზე: www.iveriisa.ge. 

მადლობა  თანადგომისთვის,  ჩვენთვის მნიშვნელოვანია თქვენი ფინანსური მხარდაჭერა!