ა(ა)იპ "საზოგადოება ივერიისა"-ს თავმჯდომარე გიორგი თავაძე ზესტაფონში ქალაქის მერს კახა მახათაძეს, მერიისა და საკრებულოს თანამშრომლებს და ადგილობრივი ბიზნესის წარმომადგენლებს შეხვდა. შეხვედრას ესწრებოდა მარგვეთისა და უბისის ეპისკოპოსი მელქისედეკი.

გიორგი თავაძემ მახათას მთაზე ღვთისმშობლის სავანის პროექტის არსსა და მნიშვნელობაზე ისაუბრა და აღნიშნა, რომ ივერიის ყოვლადწმინდა ღვთისმშობლის ხატის სახელობის ტაძრის მშნებელობა სრულდება,  რომლის ამოქმედებაც დაგეგმილია მომავალი წლის მაისში. ტაძრისა და სამონასტრო კომპლექსის მშენებლობასთან ერთად, მახათას მთაზე ივერონის ანალოგიით საგანმანათლებლო ცენტრის მშნებლობაც იგეგმება. ამ ეტაპზე საგანმანათლებლო საქმიანობის ინფრასტრუქტურული ცენტრი იქნება მუზეუმი, სადაც უმაღლესი საერთაშორისო სტანდარტების დაცვით იქნება წარმოდგენილი, მართული და დაცული ჩვენი ეროვნული მემკვიდრეობის გარკვეული ნიმუშები. გარდა მუზეუმისა, "საზოგადოება ივერიისა"-ს მიერ დაფუძნდა "წმინდა გიორგი მთაწმინდელის ინსტიტუტი", რომლის ფუნქციაციაც იქნება ახალგაზრდა, ნიჭიერი მთარგნელების გამორჩევა-დაფინანსება. ასევე, საღვთისმეტყველო, ფილოსოფიისა და ისტორიის სფეროებში განსაკუთრებული თარგმანების დაფინანსება. 

შეხვედრაზე მოწვეულ სტუმრებს  დაურიგდათ "საზოგადოება ივერიისა"-ს საინფორმაციო ბროშურები და ანკეტები. მათი მხრიდან გამოითქვა სურვილი აქტიურად ჩაერთონ მახათაზე ღვთისმშობლის სავანის მშენებლობაში.