Notice: Undefined variable: UB in /home/iveriisag/domains/iveriisa.ge/public_html/libs/Functions.php on line 598 Notice: Undefined variable: UB in /home/iveriisag/domains/iveriisa.ge/public_html/libs/Functions.php on line 612
2022 წლის 12 მაისი, წირვა ღვთისმშობლის ტაძარში, მახათას მთაზე

დღეს,  12 მაისს ღვთისმშობლის წილხვდომილობისა და ანდრია პირველწოდებულის ხსენების დღეს, მახათას მთაზე ივერიის ყოვლადწმინდა  ღვთისმშობლის ხატის სახელობის მშენებარე ტაძარში წირვა აღავლინა - საპატრიარქოს ტახტის მოსაყდრემ, სენაკისა და ჩხოროწყუს მიტროპოლიტმა მეუფე შიომ. თანამსახურებდნენ ჭიათურისა და საჩხერის მიტროპოლიტი დანიელი, ახალქალაქისა და კუმურდოს მიტროპილიტი ნიკოლოზი, თიანეთისა და ფშავ-ხევსურეთის მიტროპოლიტი მიქაელი  და სხვა სახულიერო პირები.  

საეკლესიო გარდამოცემით, მაცხოვრის ამაღლების შემდეგ, მოციქულები და ყოვლადწმინდა ღვთისმშობელი შეიკრიბნენ და წილი ყარეს ვის რომელ ქვეყანაში უნდა ექადაგა ქრისტიანობა. ღვთისმშობელს წილად ხვდა საქართველო.

უფალმა უბრძანა ღვთისმშობელს დარჩენილიყო იერუსალიმში, ხოლო საქართველოში, მის წილ, გამოეგზავნა მისი ხელთუქმნელი ხატი ანდრია პირველწოდებულთან ერთად, რაც ნიშნავდა უხილავად მის შემოსვლას საქართველოში.

ეს დღე არის ქრისტეს ეკლესიის საქართველოში დაარსების დღე. ამ დღემ განაპირობა ქართველი ერისა და ქართული სახელმწიფოს ცივილიზაციური არჩევანი 2,000 წლის მანძილზე და ამიტომაც საქართველოს სახელმწიფომ იგი გამოაცხადა ეროვნულ დღესასწაულად.

2019  წლის 12 მაისს  სრულიად საქართველოს კათოლიკოს-პატრიარქმა აკურთხა ივერიის ღვთისმშობლის ხატის სახელობის ტაძარი. 

 

 

იხილეთ ბმული  

იხილეთ ბმული

იხილეთ ბმული

იხილეთ ბმული