შეხვედრა საქართველოს კათოლიკოს-პატრიარქთან ილია მეორესთან

უწმიდესმა და უნეტარესმა, სრულიად საქართველოს კათოლიკოს-პატრიარქმა ილია მეორემ "საზოგადოება ივერიისა"-ს ქტიტორთა სათათბიროს წევრები და თანამშრომლები მიიღო.

"საზოგადოება ივერიისა"-ს თავმჯდომარემ გიორგი თავაძემ უწმიდესს მახათას მთაზე სამონასტრო კომპლექსის მშენებლობის შესახებ ინფორმაცია მიაწოდა. კათოლიკოს- პატრიარქმა დალოცა პროექტში მონაწილე თითოეული ადამიანი და აღნიშნა, რომ მახათას მთაზე ღვთისმშობლის სავანე, სამების საკათედრო ტაძართან ერთად, ერის ავტოპორტრეტია.