საზოგადოება "ივერიისას" ხელმძღვანელი  გიორგი თავაძე სპორტისა და ახალგაზრდობის საქმეთა სამინისტროში მინისტრ ტარიელ ხეჩიკაშვილსა და თანამშრომლებს შეხვდა. გიორგი თავაძემ ისაუბრა მახათას მთაზე მშენებარე სამონასტრო კომპლექსის  მეორე ეტაპის დაწყებისა და მისი მნიშვნელობის შესახებ,  რომელიც გულიხმობს ივერიის ყოვლადწმინდა ღვთისმშობლის სახელობის ტაძართან ერთად მუზეუმის აშენებას.მუზეუმის პროექტირებაზე მუშაობა დაწყებულია. მახათს მთაზე სამონასტრო კომპლექსი სულიერთან ერთად, საგანმანათლებლო ფუნქციასაც შეიძენს.  

გიორგი თავაძის თქმით, საზოგადოება "ივერიისა" სრულად ანგარიშვალდებულია სავანის მშენებლობაში გაწევრიანებულ პირთა წინაშე. საზოგადოების ვებგვერდზე  გამოქვეყნდა 2016 წლის აუდირებული ფინანსური უწყისები. ნებისმიერ მსურველს  შეუძლია დასვას შეკითხვა და  შესაბამისად მიიღოს  დამატებითი ინფორმაცია.