მცხეთა-თბილისის ეპარქიის სამღვდელოება და მრევლი მახათას მთაზე ყოველდღიურ ლიტურგიაში იღებს მონაწილეობას. მახათას მთაზე მშენებარე ივერიის ყოვლადწმინდა ღვთისმშობლის სახელობის სამონასტრო კომპლექსის არსისა და იდეის გაცნობის მიზნით, „საზოგადოება ივერიისას“ წარმომადგენლები მცხეთა-თბილისის ეპარქიაში მრევლს ხვდებიან. მათ ურიგდებათ აღმშენებელთა გასაწევრიანებელი ანკეტები და საინფორმაციო ბროშურები. შეხვედრები, ტაძრებსა და რაიონების  გამგეობების მიერ გამოყოფილ დარბაზებში იმართება. ის ყოველკვირეულია და გრძელდება.