Notice: Undefined variable: UB in /home/iveriisag/domains/iveriisa.ge/public_html/libs/Functions.php on line 598 Notice: Undefined variable: UB in /home/iveriisag/domains/iveriisa.ge/public_html/libs/Functions.php on line 612
2019 წლის 8 მაისი, მახათას მთაზე მუზეუმი აშენდება

2019 წლის 8 მაისს საპატრიარქოში ხელი მოეწერა მემორანდუმს, რომელიც ითვალისწინებს მახათას მთაზე ივერიის ყოვლადწმინდა ღვთისმშობლის ხატის სახელობის მშენებარე ტაძრის მიმდებარედ თანამედროვე და უმაღლესი საერთაშორისო სტანდარტების შესაბამისი, სამეცნიერო-კვლევითი და კულტურულ-საგანმანათლებლო ცენტრ-მუზეუმის მშენებლობას. მემორანდუმი მთავრობას, საპატრიარქოსა და ა(ა)იპ "საზოგადოება ივერიისა"-ს შორის გაფორმდა. დოკუმენტს პრემიერ-მინისტრმა მამუკა ბახტაძემ, სრულიად საქართველოს კათოლიკოს-პატრიარქმა ილია II და ა(ა)იპ "საზოგადოება ივერიისა"-ს თავმჯდომარემ გიორგი თავაძემ მოაწერეს ხელი. 

მემორანდუმი ითვალისწინებს მახათას მთაზე ერთობლივი საგანმანათლებლო-სამუზეუმო სივრცის შექმნას. მუზეუმში განთავსებული საეკლესიო საგანძურის დაცვასა და მოვლა-პატრონობას მთავრობა უზრუნველყოფს. 

"არის ისტორიული მნიშვნელობის ნაბიჯები  და ასეთია ნაბიჯია გადადგმული დღეს. ღმერთმა დალოცოს ეს ნაბიჯი და ღმერთმა ინებოს რომ გამოიღოს კეთილი შედეგი ჩვენი ერისა და ეკლესიის საკეთილდღეოდ" - ბრძანა  მისმა უწმინდესობამ.