Notice: Undefined variable: UB in /home/iveriisag/domains/iveriisa.ge/public_html/libs/Functions.php on line 598 Notice: Undefined variable: UB in /home/iveriisag/domains/iveriisa.ge/public_html/libs/Functions.php on line 612
ღვთისმშობლის სავანე მახათას მთაზე

მახათას მთაზე ღვთისმშობლის სავანის პროექტის ფარლებში, უკვე სრულდება ივერიის ღვთისმშობლის ხატის სახელობის ტაძრის მშენებელობა და დაწყებულია ახალი ეტაპი, რომელიც სამონასტრო კომპლექსისა და საგანმანათლებლო ცენტრის შექნმას ითვალისწინებს.

დასრულდა ტაძრის გარე მოპირკეთება; ტაძარში დაიგო კარარას კარიერის თეთრი მარმარილო ქართული სალიეთის მარმარილოს წითელი კონტურებით. მოქანდაკე გია ჯაფარიძის მიერ  სხმულებით დამზადდა  ხუთი კარი. მოოქროვდა აღსავლის კარი და შეიმკო მიკრო მოზაიკით - ავტორი: დავით კაკაბაძე; საკურთხევლის კანკელზე განთავსდა  მარიამ ღვთისმშობლის, წმინდა ნინოს, მაცხოვრისა და ანდრია პირველწოდებულის ხატები - ავტორი - თეიმურაზ ჯაფარიძე.სამრეკლოში დაიკიდა საქართველოში პირველად დამზადებული სხვადასხვა ზომის  ხუთი  ზარი. ზარები ჩამოასხეს მამა- შვილმა ოლეგ და პაატა გელაშვილებმა.

საქართველოში პირველად ივერიის ღვთისმშობლის ხატის სახელობის  ტაძარში დამონტაჟდა მსოფლიოში  ცნობილი ფირმა  „ბოსე“-ს (Bose)  გახმოვანების უახლესი  და „ზენჰაიზერი“-ს  (Sennheiser) სამიკროფონო სისტემა („ბოსე“-ს  გახმოვანების სისტემა დამონტაჟებილია შემდეგ ტაძრებში - ბარსელონას საკათედრო ტაძარი „საგრადა ფამილია“, „სიქსტეს კაპელა“ (ვატიკანი);   ბარის წმ. ნიკოლოზის სახელობის ტაძარი; წმ ანტონის ტაძარი (დავენპორტი, აიოვას შტატი, აშშ).

ღვთისმშობლის სავანე მახათას მთაზე, თავისი მნიშვნელობით, არის საერთო ეროვნული პროექტი, რომელშიც გაერთიანებულია მთელი საქართველო.  საქართველოს კათალიკოს-პატრიარქის სიტყვებით „წმინდა სამების ტაძრის შემდეგ ეს არის ქართველი ხალხის მეორე ავტოპორტრეტი“.

ამ ეტაპზე გადაწყდა, რომ საგანმანათლებლო საქმიანობის ინფრასტრუქტურული ცენტრი იქნება მუზეუმი, რომლის ბაზაზეც მოხდება საგანმანათლებლო საქმიანობა. ამ მუზეუმში უმაღლესი საერთაშორისო სტანდარტების დაცვით იქნება წარმოდგენილი, მართული და დაცული ჩვენი ეროვნული მემკვიდრეობის ნიმუშები.

როგორც მოგეხსენებათ, აღნიშნული სავანე 2010 წლიდან მთელი საქართველოს და უცხოეთში მცხოვრები ჩვენი თანამემამულეების შემოწირულობებით შენდება. დღეისათვის 72 000  დამიანი არის ყოველთვიურად თანხის შემომწირველი და მილიონზე მეტი კი ტაძრის აღმშენებელი (ანკეტებში მოხსენიებული ცოცხალი და გარდაცვლილი ადამიანები). 

2017 წლის ხარჯებისა და შემოსავლების შესახებ აუდირებული ფინანსური შედეგების ანგარიში, ასევე პროექტის მიმდინარეობის ყველა ასპექტის შესახებ ინფორმაცია შეგიძლიათ იხილოთ ჩვენს ვებგვერდს www.iveriisa.ge.

ჩვენთვის უმნიშვნელოვანესია თქვენი მხარდაჭერა!