საქართველოს მართლმადიდებელი ეკლესიის ავტოკეფალიის აღდგენის 100 და კათოლიკოს-პატრიარქის ილია მეორის აღსაყდრებიდან 40 წლის საიუბელეო თარიღებთან დაკავშირებით, 28 მაისს აწყურისა და ივერიის ყოვლადწმინდა ღვთისმშობლის ხატები საქართველოს რეგიონებში მოგზაურობს. პირველი რეგიონი, სადაც ხატები ჩაბრძანდნენ, იყო სტეფანწმინდა. სოფელ სნოში ხატებს პატრიარქი, წმინდა სინოდის წევრებთან და მრევლთან ერთად, დახვდა. 

ჭყონდიდის ეპარქიაში ივერიისა და აწყურის ყოვლადწმინდა ღვთისმშობლის ხატები 7 ივლისს ჩაბრძანდნენ. საღვთო ლიტურგია  მარტვილის ღვთისმშობლის მიძინების ტაძარში ჭყონდიდის მიტროპოლიტმა მეუფე პეტრემ აღავლინა, რომელშიც მონაწილეობა მიიღო ანჩისხატის მგალობელთა გუნდმა.  

რეგიონებში სადაც ხატები ჩაბრძანდებიან ყოველდღიურად, აღევლინება საღვთო ლიტურგია და პარაკლისები, ეწყობა შეხვედრები. "საზოგადოება ივერიისა"-ს თანამშრომლები მოსახლეობას ესაუბრებიან მახათას მთაზე მშენებარე ღვთისმშობლის სავანის შესახებ. მათ  ურიგდებათ  აღმშენებელთა ანკეტები და საინფორმაციო ბროშურები.