(ა)იპ "საზოგადოება ივერიისა"-ს  თავმჯდომარე გიორგი თავაძე ქტიტორთა სათათბიროს წევრ ნინო სუხიშვილთან ერთად ტელეკომპანია "იმედი"-ს გადაცემა "შუა დღი"-ს ეთერში იმყოფებოდა. მათ მახათას მთაზე ღვთისმშობლის ხატის სახელობის სამონასტრო კომპლექსის მშენებლობასა და 2018 წლის 6 მაისს დაგეგმილი საქველმოქმედო კონცერტის დეტალებზე ისაუბრეს.

გიორგი თავაძემ აღნიშნა, რომ მისი უწმინდესობის სურვილია, მახათას მთაზე მშენებარე კომპლექსი ათონის მთაზე მდებარე ივერონის მონასტრის ანალოგი იყოს, რომელიც სულიერ,  კულტურულ და საგანმანათლებლო ცენტრად მოიაზრება საქართველოსთვის. კომპლექსში საგანმანათლებლო ცენტრის ინფრასტრუქტურული საფუძველი არის მუზეუმი, როგორც საგანმანათლებლო იდენტობა, შეკრების ადგილი, სალექციო სივრცე, ბავშვთა საგანმანათლებლო ცენტრი.

მახათას მთაზე სამონასტო კომპლექსი 2010 წლიდან მთელი საქართველოს და უცხოეთში მცხოვრები ჩვენი თანამემამულეების შემოწირულობებით შენდება. დღეისათვის ღვთისმშობლის სავანის აღმშენებელთა რიცხვი მილიონზე მეტია.

იხილეთ ბმული